Daci promovon librin: “Lindja e vështirë e shtetësisë së Kosovës”, gjatë fjalimit kritikon misionin e UNMIK-ut

197

Kryetari i Akademisë së Shkencës dhe Arteve të Kosovës, Nexhat Daci, ka drejtuar kritika të shumta ndaj ndërkombëtareve gjatë promovimit të librit të tij, “Lindja e vështirë e shtetësisë së Kosovës”, ku i pranishëm ishte presidenti i Kosovës, Hashim Thaçi dhe kryeministri Ramush Haradinaj.

Ish-kryetari i Kuvendit të Kosovës ka folur rreth periudhës së vështirë në të cilën ka kaluar Kosova, atë të para shpalljes së pavarësisë.

Autori i librit, ka filluar fjalën e tij me kritika ndaj misionit të OKB-së UNMIK, ngaqë gjatë kohës kur mbante këtë postin e kryeparlamnetarit, nuk është lejuar të ketë as zyrë për të punuar në ushtrimin e detyrës.

Ai tha se jo të gjitha misionet ndërkombëtare janë të sinqerta. “UNIMIK-u nuk lejonte as zyre për presidentit e parlamentit apo kryesinë e parlamentit. Krejt këto sjellje më kanë detyruar që një kohë të gjatë, të shkruaj rrjedhën e ngjarjeve për ta parë se as sot shumë pjesë të politikës në bashkërinë ndërkombëtare nuk janë aq të ndershëm ndaj popullit të Kosovës dhe klasës politike. Asnjë mision ndërkombëtar i organizuar nga Kombet e Bashkuara nuk e ka fituar titullin “Mision pesë yjesh” si ky i yni në Kosovë, dhe mjerisht bashkësia ndërkombëtare ka menduar se kjo është meritë e UNMIK-ut. Kjo është meritë e popullit të Kosovës dhe liderëve të saj politikë”, tha Daci.

Ai ka bërë thirrje që të përkrahen institucionet e shtetit dhe të mos bojkotohen seancat parlamentare e as proceset nëpër të cilat po kalon Kosova. Madje, ai ka folur me të njëjtën qasje edhe për liberalizimin vizave duke e quajtur të padrejtë regjimin e vizave për kosovarët.

Daci tha se ASHAK e ka vetëm një kërkesë, që burrështetasit e Kosovës t’i kthehen punës, të shkojnë në seancat parlamentare, pasi paguhen më së shumti prej të gjithë të punësuarve në Kosovë, dhe sipas  Dacit: “Rrinë në holle ose kafiteri, duke thënë që unë nuk ia bëjë kuorumin këtij ose atij”.

“Nga akademia duhet të shkojnë porositë që është koha për realizmin e shtetësisë së plotë të Kosovës, e shtetësisë së qytetarëve të saj. Jo, kur po e mbajmë zgjedhjet ose kur po rrëzojmë Qeverinë. Si është e mundur në një vend që nuk ka liri të lëvizjes, krejt koha të shpenzohet kur pe rrëzojmë Qeverinë, ose kur po e rrëzojmë Presidentin. Unë nuk e di çka është me këtë klasë intelektuale të themi në politikë, apo janë rastësisht të futur në atë rrugë”, theksoi ai./RTK/




Leave a Reply

Your email address will not be published. Required fields are marked *