Halimi, Kamberi dhe Sinani mysafirë të Ilir Metës në kremtimin e 105 vjetorit të pavarësisë

Nën 28, 2017 Lugina-Lajm Aktuale, Lajme, Nga vendi 0

Tre përfaqësuesit e Partisë për Veprim Demokratik kanë marrë pjesë në shënimin e Ditës së Flamurit të organizuar nga Presidenca e Shqiprisë.

Pjesëmarrjen e sontme në koktejin e organizuar në Pallatin e Brigadave e ka publikuar, kandidatja për kryetare të Preshevës Ardita Sinani nëpërmjet një postimi në facebook.

“Sonte pata nderin dhe kënaqësinë që në Presidencën e Republikës së Shqipërisë të takohem me krerët më të lartë shtetërorë, si me presidentin Ilir Meta, kryeministrin Edi Rama dhe me shumë figura tjera politike të Shqipërisë e Kosovës. Në këtë koktej të organizuar për 105 vjetorin e pavarësisë së shtetit shqipëtarë dhe Flamurit tonë kombëtarë, isha e shoqëruar nga kryetari i Partisë për Veprim Demokratik Riza Halimi dhe kryetari i komunës së Bujanocit, Shaip Kamberi.
Pas koktejit isha e ftuar në një darkë pune të organizuar nga presidenti i Republikës së Shqipërisë, z. Ilir Meta” – ka shkruar Ardita Sinani në facebook.

Riza Halimi, Shaip Kamberi dhe Ardita Sinani, njëkohësisht ishin të ftuar edhe në Ambasadën e Republikës së Shqiprisë në Beograd, për krentimin e 105 vjetorit të pavarësisë./Lugina-Lajm/