Lajmërim i përkohëshëm

Ju lutem të vini re përderisa dalloni ndonjë problem me portalin e Lugina-Lajm për momentin, na kontaktoni në Facebook për të raportuar problemin, portali është duke u përditësuar çdo ditë me funksione të reja, përditësimi do të zgjasë disa ditë. Ju faliminderit për mirëkuptim.

TV Spektri: Te papranueshme kercenimet ndaj mediave dhe personaliteteve te tyre

0

Televizioni Spektri gjykon kërcënimet e fundit të inspiruara nga ana e bartësve të posteve publike ndaj personaliteve që menaxhojnë me mediat.
Rasti i datës 30 prill të këtij viti, ku ishin përfshirë familjarët e ngushtë të Jonuz Musliut e që për objekt sulmi potencial kishin pronarin e mediumit tonë, Xhelal Behluli, është tendencë e futjes së frikës ndaj medias por njëkohësisht edhe kanosje e rrezikut permanent ndaj individëve që kryejnë punët mediale.
Ky rast është edhe më i gjykueshëm kur kihet parasysh se z.Musliu është bartës i tre funksioneve publike, kryetar i LPD-së, Kuvendit Komunal të Bujanocit dhe Këshillit Kombëtar Shqiptar, kështu që çdo keqpërdorim i familjarëve të tij, në këtë rast dy djemëve të të sipërmendurit, është njëkohëisht edhe njollosje e instituciove të cilat varen nga votat e popullit e jo nga familja e tij.
Nëse z. Musliu i pengojnë opinionet publike të njerëzve të medias, apo mendon se është shkelur në ndonjë mënyrë integriteti i tij, atëherë ai këtë duhet kërkuar e gjykuar në bazë të suazave legale e ligjore e jo të “ qërojë hesapet “ përmes metodave të rrugës.
TV Spektri kërkon që në radhë të parë z. Musliu të kërkoj falje publike për këtë gjest të ulët, ndërsa rastet “ kontestuese “ duhet lënë që t’i zgjidhin organet që janë të thirura për këto punë.
Çdokush që mendon të vazhdoj metodat e këtilla ndaj medias dhe puntorëve medial është i gjykuar të dal humbës ngase media është më e qëndrueshme sesa karriera e politikanve që shkojnë e viejnë.
Rastet e tilla TV spektri ka ditur t’i menaxhojë edhe në të kaluarën, kurse të njejtën gjë do ta dijë të bëjë edhe tash.
Me gjasë, fjalën e fundit do duhet ta thonë institucionet të cilat duhet gjykuar paanshëm, pa marrë parasyshë “ fuqinë “ politike apo publike të cilën mendon se e posedon ndokush.

Bujanoc: 3 maj 2017
Redaksia e TV Spektri




Leave a Reply

Your email address will not be published. Required fields are marked *