Çetnikët serbë tentojnë të kthejnë kryqin në Lluçan të Bujanocit (Foto)

45

imageGjashtë pjesëtarë të së ashtuquajturës Lëvizja Çetnike – nga qyteti i Valevës, Beogradit, Nishit dhe Krushevcit – pesë meshkuj dhe një femër të cilët komandohen nga Bratislav Zhivkoviqi, kanë planifikuar që te vendi i përmendores që u largua nga fshati Lluçan për policët e vrarë gjatë konfliktit të 2001, ta vendosin përsëri një kryq të madh.

Nga qyteti i Vranjës, rreth ora 12, këta gjashtë çetnikë ishin nisur në këmbë duke mbajtur një kryq me dimensione të ngjashme me atë që u largua, drejt autostradës. Ata synonin të kalonin në këmbë rreth 20 kilometra, deri në fshatin Lluçan, dhe atje të vendosin kryqin të cilin e largoi Xhandarmëria.

“Pa leje të qytetarëve, Qeveria e hoqi nga vendi i duhur. Ne vetëm duam që ky kryq, kopje e atij të mëhershmit, ta vendosim aty ku e ka vendin”, ka thënv Zhivkoviq, transmeton presheva.com.

Në dalje të qytetit të Vranjës, Policia i ka ndaluar duke mos i lejuar që të vazhdojnë në aksionin e tyre.
Në Polici thonë se askush nuk është arrestuar pasi nuk ka “arsye për një gjë të tillë”./LuginaLajm/




Leave a Reply

Your email address will not be published. Required fields are marked *